स्टँड-अप कॉमेडीची व्याख्या बदलणारा कपिल शर्मा

कपिल शर्मा...घराघरात पोचलेलं लोकप्रिय नाव...प्रत्येकाला कपिल शर्मा हे नाव माहित झालंय...एवढं यश यापूर्वी कोणत्या कॉमेडीयन ला मिळालं नाही.

स्टँड-अप कॉमेडी करणारे अनेक आहेत भारतात. त्यात भारती सिंग, कृष्णा अभिषेक, सुदेश लेहरी, राजू श्रीवास्तव, सुनील ग्रोव्हर, अली असगर, सुनील पाल, जॉनी लिव्हर असे अनेक स्टँड-अप कॉमेडी करणारे कलाकार आहेत. त्यात कपिल शर्मा याने आपला वेगळा ठसा उमटवला...

२००७ द ग्रेट इंडियन लाफ्टर चॅलेंज मधून त्याने पदार्पण केलं...आणि विजेता ठरला....तेव्हापासून त्याने मागे वळून पाहिलं नाही...त्याआधी त्याने “हसदे हसांदे रहो” या पंजाबी शो मध्ये काम केलं होतं...

सोनी टीव्ही च्या कॉमेडी सर्कस च्या सहा सिझन मध्ये त्याने सहभाग घेतला आणि प्रत्येक सिझन चा विजेता ठरला... ‘झलक दिखला जा’ हा डान्स शो होस्ट केला...

२०१३ मध्ये त्याने स्वतःचा “कॉमेडी नाईट विद कपिल” हा शो कलर्स वाहिनीवर सुरु केला....त्याला प्रेक्षकांचा प्रचंड प्रतिसाद मिळाला...

‘द कपिल शर्मा शो’ हा कार्यक्रम सोनी वाहिनीवर प्रसारित होऊ लागला त्यालाही प्रेक्षकांचा प्रचंड प्रतिसाद लाभला...

तो तिथेच थांबला नाही तर विविध अवार्ड शो सुद्धा होस्ट करू लागला... ‘किस किस को प्यार करू या चित्रपटातून त्याने चित्रपट सृष्टीत पदार्पण केलं...

सध्याच्या घडीला कपिल शर्मा  आघाडीचा कॉमेडीयन आहे. अल्पावधीत त्याने या क्षेत्रात नाव कमावलंय.

त्याची संवादफेक आणि त्यातून निर्माण झालेला विनोद प्रेक्षकांना खिळवून ठेवतो...हसायला भाग पाडतो.

कमरेखालचे विनोद, पांचट विनोद हि आपल्याला पाहायला मिळतात पण म्हणून एक यशस्वी कॉमेडीयन म्हणून त्याचं अस्तित्व नाकारता येत नाही.

सुरुवातीला कॉमेडीयन  आणि प्रेक्षक एकमेकांसमोर असायचे. तंत्रज्ञानाचा जसा-जसा वापर वाढत गेला तसा स्टॅण्ड-अप कॉमेडी चा प्रसार होत गेला. यू-टय़ुब च्या माध्यमातून व्हिडीओ अपलोड करणे सुकर झालं.  खरं तर स्टॅण्ड-अप कॉमेडी हा अमेरिकेत उदयास आला आणि त्याचा इतर देशांमध्ये प्रसार झाला. मनोरंजन हा त्याचा मूळ उद्देश. हे क्षेत्र आता व्यावसायिक झालंय. अमाप पैसा मिळू लागलाय. त्यामुळे या क्षेत्रात करिअर करणाऱ्यांची संख्या हि वाढली आहे.

प्रेक्षकांना खीळखिळून हसवणं सोपं नाही. त्यासाठी प्रसंगावधान, आसपास चालणाऱ्या घडामोडी यावर लक्ष ठेवावं लागतं. वेळेवर उद्भवणाऱ्या प्रसंगावर विनोद करता यायला  हवा, व्यंग जमलं पाहिजे. सोबत भाषेवर पकड, body language , चेहऱ्यावरचे हावभाव त्याला अनुसरून असले पाहिजे.  हे सारं जुळून येण्यासाठी प्रचंड मेहनत. आणि तेच कपिल शर्माने केलंय.

स्टँड-अप कॉमेडी हा कलाप्रकार त्यानं सामान्यांपर्यंत पोचवला असं म्हणायला हरकत नाही.

स्टँड-अप कॉमेडी क्षेत्रात करिअर करू इच्छिणार्यांनी कपिल शर्मा चं उदाहरण समोर ठेवून शिकावं.

सचिन भगत (९९२२१२७३८५)

श्री संत गजानन महाराज अभियांत्रिकी महाविद्यालय

शेगाव